向陽之詩

《魍魎之匣》

作者：京極夏彥

譯者：林哲逸

出版社：獨步文化

ISBN：9789866954740

叢書系列：京極夏彥作品集 02/03

評分：9.0

已經讀過《魍魎之匣》無數次，但是永遠都讀唔完，因為近八百頁紙真係好難一次過睇晒。難得這幾個禮拜有時間，終於睇完。

被京極夏彥吸引係從《姑獲鳥之夏》開始。喜歡他用科學的解釋來推理妖怪傳說及那永遠意想不到的真相。《魍魎之匣》故事比《姑獲鳥之夏》複雜得多。由幾條分線／事件組成：被推落火車軌的少女奇蹟地生還又突然消失，分屍殺人案，新一代幻想文學作家，新興宗教，好似箱子的研究所，箱子裏的少女，有強迫性的故事主角，不清不楚的綁架信，息影女明星的秘密，再加上數唔清咁多的謎團，頭幾百頁真係睇到有點頭暈。要等到京極堂最後把所有事件串連一齊先明白整個故事的真相。

其實由第一段開始已經比個故仔吸引住，估唔到京極夏彥描述少女心態都幾到家。有點唔甘心原來真相可以咁現實，仲要係俾作者耍了，但仍然讀得很過癮。

有網友話魍魎係貪嗔癡，我非常認同。如果人心就是匣，就是因為無法控制貪嗔癡，亦即比魍魎佔據，先有機會比"過路魔"控制，犯下大錯。這是書中每個主角／犯人的共通點，令我始終沒辦法不同情他們，因為自己都是一樣。雖然未至於殺人，但係原理都係一樣。

這故事和《姑獲鳥之夏》一樣包含了某程度的醫學理論，雖然是小說，但是我覺得真的有可能做到。最後講到的一個idea同電影conception 好似，可惜好快就被某主角引證了是不可能的。

睇小說的好處係讀者有好大的想像空間，有些情節真係描述到好似電影拍出來一樣，睇完之後果個景象永遠都記得。好似《殺戮之病》最後個scene，《殺人時計館》時計館下陷，《秘密》女主角告別男主角一幕等等。《魍魎之匣》最後某主角的死法亦已經sealed 左係我個腦度，好變態但亦都好理所當然。